அன்று இரவு உறக்கத்தில்

அன்று இரவு உறக்கத்தில்
அலறி அடித்து எழுந்தேன்

என் தூக்கத்தை 
விழுங்கிய கனவு

திற‌ந்த கண்ணுக்கு
தெரியாத உண்மை
மூடிய கண்முன்
முழிக்கிறது

.. வீட்டில் அனைவரும்
விறுவிறுபாய் 
மூட்டைகள் கட்டினார்கள்
அறுவெறுப்பாய்

யாருக்கத்தான் 
அழுகை வராது

இந்த மண்ணைப்பிரிய‌
மனமே வராது

சத்தம் வந்தால் 
வான‌த்தை பார்த்தார்கள்
அச்சத்துடன்

கட்டிய மூட்டையுடன்
கிளம்பவேண்டும்
நாங்கள் மிச்சத்துடன்

நடுக்கூடத்தூணை
கட்டிக்கொண்டு
க‌ண்களங்கி அழுகுரல்கள்
கதறிகொண்டு

பாசி படிந்த என் கொல்லைச்
சுவர் பாசம் வளர்த்த என்
குட்டிச்சுவர்

என் ஆறு வயது ஆசைஎல்லாம் 
அதன் மேல் மீண்டும் ஒரு முறை 
முட்டிடத்தான் 

நேரம் அதிகம் இல்லை
ஓட வேண்டும் எல்லைக்கு
ஓரே வேகமாக ஓட்டம் பிடித்தேன்
கொல்லைக்கு

திடீரென ஒரு சத்தமும் புகையும்
நான் முட்ட வந்த சுவரின் துகல் என்னை
வந்து முட்டியது

அடிப்பட்டு என் தலையில் 
இரத்தம் வழிந்தது
குண்டுகள் துலைத்து
ஊரெங்கும் 
சத்தம் வழிந்த‌து

அலறி அடித்து எழுந்தேன்
அன்று இரவு உறக்கத்தில்..

எங்க ஓட்டுப்போடனும்..

ஜனதொகை
ஏரிப்போச்சு
எங்க ஊருல‌

தலைக்க்கு ஒரு
ஓட்டுதான்
மதிப்பு
வேறில்ல‌

காந்திக்கடுத்து
ரூபா நோட்டில்
வேற முகமில்ல‌

நாணயதுக்கு
கூட இங்க‌
நாண‌யமில்ல‌

எங்க ஊரு
செழிக்கனுன்னு
ஓட்டு போட‌
சொன்னாங்க‌

உள்ளங்கை
கரையெடுத்து
விரலில் பொட்டு
வெச்சாங்க‌

சொன்னதெதுவும்
நடக்கலியே
சரியாதான்
போட்டேனா?

ஓட்டுப்போட‌
வழித்தவறி
வேறெங்கோ
பூட்டேனா??

ஆளுக்கு வேல தேவ !!

கடற்கறையோரம்
காவாய் கலக்குது
குளிக்கிர மீன் தான்
சுத்தம் செய்யுது

மழையில ஊரே
சேராப்போனது
சேந்த்து நீர் ரோட்டுல‌
ஆறா ஓடுது

ஓட்டுற வண்டியில்
புகையின்னும்
குறையல‌
காத்தெல்லாம்
கரித்துண்டு
நோய்க்கொன்னும்
குறையில்லை

பசியோடு 
ஊரெல்லாம்
பரதேசிக்கூட்டம்
அசந்தா ஆள்விழுங்கும்
எடுத்துடு நீ
ஓட்டம்

நல்ல வேல‌ புள்ள‌
வர‌
பத்து மாசம்
ஏழு நாளில் பொறந்தா
என்ன ஆகும்
தேசம்

தின்ன சோறு
செரிக்க தினம்
உழச்சுப்பாருங்க‌

பசிவந்தா பாமரன‌
நினைச்சுப்பாருங்க‌

இந்த வாரம் ம‌ழ‌ வருமா !!

பருத்தி வித

பஞ்ஜோட  

பறப்ப‌து

போல் மனசு  

நினைனெனக்க‌ 

தூக்கம் வர்ல்ல‌ 

எனக்கு இது 

புதுசு  

பாதிகனவில் 

எழுந்திரிசேன் 

அவ முகத்த  

பாத்து  

நிலவில் கூட‌

அவ முகம் தான்  

ஏங்குது மனம்  

வேர்த்து  

சுரா மீன‌ 

வலையிலாம‌ 

வெரும் கையால் 

புடிப்பேன்  

அந்த மீனப் போல‌ 

கண்ண பாத்து  

வ‌லையில் நான் 

விழுந்தேன்  

பரங்கிமலை உயர்த்துள‌ 

நிமிர்ந்து நின்னயென்ன  

பாலைவனமாக்கிப்புட்டு 

போனா அந்த‌ பொண்ணே  

குலுகுலுன்னு  

வொன் பேச்சில் 

சாரல்  

வரும்  

நீ சம்மத‌ன்னு 

சொல்லிப்புட்டா 

மழையும்  

வரும்

வெளுத்ததெல்லாம்

சென்ற வருடம்

செழிப்பிருந்த‌து 

உழவன் முகத்தில் 

களிப்பிருந்த‌து  

நம்பிக்கை வளர்த்த  

பூமி அது  

பிறக்கப்போகும் 

பிள்ளைக்கு 

அடுத்த அறுவடை 

அள்ளித்தந்திடும் 

இவன் முகத்தில்

இருமாப்பு

மனைவியின் முகத்தில்

புன்சிரிப்பு

குலுங்கும் வலையோசை 

தகப்பன் பெருமையை 

கருவிடமும் 

கூறியது  

வானம் பார்த்த‌ 

பூமி அல்ல‌ 

வாய்க்கால் வார்த்த 

பூமி  

அரசியலும்

அசுத்தமும் 

ஆற்றைக்கெடுத்த‌து 

வரம் தரும் விதைகள் 

வரண்டது 

மண்ணோடு 

பச்சை ஆடை 

பறிபோனது 

பழுப்பு நிற‌த்துடன் 

நிர்வாண பூமி

ஊரின் மகிழ்ச்சியை 

பஞ்ஞம் கெடுத்த‌து 

புலம்பளுடன் ஊரே 

படையும் எடுத்த‌து 

ஒருவருடம் தான் 

தீர்ந்துவிடும் 

உஙகள் கவலையும்  

ஓய்ந்துவிடும் 

தலைவர்கள் எல்லாம் 

தைரியும் கூறினர் 

கும்பலைக்கலைக்க‌

பொய்க்கதை கூறினர் 

வீணாகவில்லை 

புரட்சி ஆனால்

ஒரு வருடம் 

வர‌ட்சி 

நிற்க நிழலில்லா 

ஊரில் 

இவன் நிழல்

தேடி பிறந்தது 

பெண் குழந்தை 

தாயும் சேயும்

நலம் ஆனால்

தந்தைக்கு இல்லை 

பலம்  

பெண்ணை எப்படி 

பேணி வள‌ர்ப்பான்  

இருபதாம் நூற்றாண்டு 

உபதேசம் செய்ய‌ 

வந்திடும் 

ஆனால் இன்று

உதவிக்கு அல்ல‌  

ஊரெங்கும் இவன்

கவலைக்கு தீர்வு

ஒன்றுதான்  

கள்ளிப்பால் அவன்  

கையில் கசிந்தது

மழலை பசியுடன் 

வாயைக்குவிழ்த்தது  

வெளுத்ததெல்லாம் பால்

குழந்தை நம்பியது 

பச்சை முகம் பார்த்து 

அவன் மனம் வெம்பியது  

விஷ‌த்தை விசிரி  

எரிந்தான் 

அள்ளி அனைத்து முத்தமிட்டான்  

முத்து மகளை  

அடுத்த அறுவடைக்கு

பொருத்திரு மகளே 

இந்த வயலும் செழித்துடும் 

நம் வாழ்வும் செழித்துடும் 

இவன் நம்பிக்கை வாழ்ந்த‌து 

பொய்க்கதையில் 

வெளுத்ததெல்லாம் பால்தான் 

இவன் கதையில் ..

இடது பக்கம் திரும்ப அனுமதி இல்லை

இடது பக்கம்

திரும்ப அனுமதி

இல்லை

சாலைக்குறிகளை

குறிவைத்துப்

பாருங்க‌ள்

நெடுந்சாலையில் நான்

நின்ற நொடிகள்

உயிர்களை

கொன்ற நொடிகள்

என் பாடம்

உங்கள் 

படிப்பினைக்கு

வருமையின் நிறம் 

சிகப்பு 

நின்ற‌ வண்டிகளை

துரத்திய கூட்டம்

பையில் இருந்த‌

காசு என்

கையில் எடுபதை

கண்டதும்

குழந்தைகள்

ஏந்திய மழலைக்கூட்டம்

படை எடுத்தது

என் மனம்

படபடைத்தது

வெறும் காலை

தன் நிழலில் ஆற‌

விட்டு

ஏந்தி நின்ற

கைகளில்

வியர்வையில் ஈரமான‌

சில்லரைகள்

வருங்கால‌

இந்தியா

ரேகை பலன்

பார்த்தேன்

எதிர் திசை வாக‌னம்

விரட்டும் வேகத்தில் 

புகைமண்டல‌மான‌

(நெ)ந‌டுந்சாலைப் பூக்கள்

வளைவுகளில் 

வேகம் எடுத்தால்

முதற்பரிசு

யாருக்கு

விடலை பருவம்

பின்னால் இருபவள்

இருக்கப்பிடித்தாள்

ஓட்டுனர் கரங்களில்

முறுக்கு ஏரியது

புகைவிட்டுக்கிளம்பிய‌

நாயகனின்

வண்டி

இடது பக்கம்

திரும்பியது

இடது பக்கம்

திரும்ப அனுமதி

இல்லை

ஒய்ந்த ஆற்றை

கடப்பது போல்

சாலையின்

குறுக்கும் நெடுக்கும்

ஓட்டம் பிடித்த‌

கூட்டம்

நெரிசலில் 

தடுமாறின‌

சில ஆமைகள்

பாதி வரை தான்

பாதை தெரிந்த‌து

எழுபது வயது கிழவனை

வேகம் எடுத்த 

இருபதுகள்

ஏலனம் செய்தது

எதிர் பார்க்காத

விபத்து

கடந்து சென்ற இளைஞன்

கதறச்சென்றான்

நாயகன்

பின்னால் இருந்தவள்

முன்னால் விழுந்தாள்

விளக்குக்கம்பம்

வளைந்து போனது

நிசப்தம்

சில நொடிகளில்

மீண்டும்

சலசலப்புடன்

வாகனஙள்

ஜன்னல் ஒரம்

எட்டிப்பார்த்து

உச்சுக்கொட்டி

கடந்தது

எதிர் உள்ள குறிகளை

பார்க்காத‌தால்

விபத்து

வழிவிட்டது பச்சை நிறம்

இனி என் வரிசை 

வாகனங்களும்

சித‌ரியபடி செல்லத்துவங்கும்

காத்திருந்த நொடிகள்

என் வினாடி முள்ளையும்

நாடித்துடிப்பையும்

நிற்க வைத்து

கேள்வி கேட்டது

எதற்கிந்த வேகம்?

சாலைக்குறிகளை

குறிவைத்துப்

பாருங்க‌ள்

தொலைந்த நண்பனை தேடுங்க‌ள் ..

தனிமையில்

கண்ணீர் வடித்து

கடல் வளர்த்த‌

தீவுகள் 

உச்சியில் 

ஏக்கத்துடன் 

உரைந்து இருக்கும் 

இமயம் 

துணையின் 

தேவை என்ன?

விடைகூறும் 

விலாசம் இவை 

தொலைந்த

நண்பனை 

தேடுங்க‌ள் 

பொறாமையில்

பேராசையில் 

அலுவலின் அலைக்கழிப்பில் 

தொலைந்த  

நண்பனை

தேடுங்க‌ள் 

உணர்வுகளை

உலகில் உலவவிட‌ 

வடிகால் 

தேடுங்க‌ள் 

வேட்டையாடவே ஓநாய்கள்

நட்பிருக்கும் 

அச்சத்துடனே மான்கள்

இணைந்திருக்கும் 

தொலைதூர நட்பையும் 

இணையதள‌த்தில் அழைத்து  

அன்பால் 

இணைந்திடுங்கள்